You are here

Tatariw Amharic website Ethiopia wake up

ኢትዮጵያውያን እንብላ እንደምንለው ሁሉ እንስራስ ማለት እንወዳለን? አይመስለኝም! አሁን ያለንበት ሁኔታ ምስክር በአካልና በአዕምሮአችን ስለማንሰራ ነው፡፡ ጉድ ፈላ!

Tatariw Amharic website Ethiopia wake up

መሰረታዊ የአስሊ ዕውቀት፡፡ የአስሊ አጠቃቀም አጉል ባህሪ ካለወት አስሊወ በቫይረስና በሰላዮች ይጠቃል፡፡ ርካሽ ወይም ነጻ የሆኑ ጥሩ አማራጮችን ያውቃሉ?

Tatariw Amharic website Ethiopia wake up

ስለ ብቃትዎ ምን ያውቃሉ? ለምሳሌ ስለ እልህና ንዴት፤ ወድቆ መነሳት፤ ነጻነት፤ መምራትና መግባብት ወዘተ፡፡ ማሰብ፣ መናገርና ማድረግ መተው ዝምታ ነው!

Tatariw Amharic website Ethiopia wake up

ስለ ባህሪዎ ምን ያውቃሉ? ቀላል ነገሮች ላይ ይሳሳታሉ? ለምሳሌ በቀጠሮ መዘግየት፣ ቋንቋ መቀላቀል፣ ከማዳመጥ ይልቅ ብዙ ማውራት፣ እምነትዎስ ነካ ነካ ነው?

Tatariw Amharic website Ethiopia wake up

የሚያልሙትን ስራ አግኝተው ለማቆየት ስልቱን ያውቁታል? በስራ አለም ውስጥ የተጻፉና ያልተጻፉ ህጎችን ልብ ካሉ በስራዎ ለመደሰት፣ ለማደግና ለመርካት ይረዱወታል!!

Tatariw Amharic website Ethiopia wake up

በቀላሉ እራስዎን ይንከባከባሉ? የሚበላ ምግብ፣ የሚጠጣ መጠጥና የሚታሰብ ሃሳብ ወደ ሰውነታችን ስለሚገባ ህይወታችን ውስጥ ሚና አለው፡፡ ለምን?

1
2
3
4
5
6

አስተሳሰብ ክፍል 1 - መጥፎ ቃል ከወጣ አይመልሰስም!

tatariw's picture
Submitted by tatariw on Fri, 06/14/2019 - 12:33
mejemeriya ethiopia addis ababa tatariw Fantaw Tesema

ከአፉ የሚወጣ መጥፎ ቃልን በቁጥጥር ስር ማድረግ ይቻላል?
አዎ! በደንብ አሳምሮ መቆጣጠር ይቻላል!!
ለዚህ ደግሞ ቀላል መፍትሄና ዘዴ አለኝ፡፡
ትክክለኛ ጣቢያ ላይ መጥተዋል፡፡
ከኔ ጋ ይቆዩ! የሚያዩትንና የሚሰሙትን ከወደዱት ደንበኛ ይሁኑ፡፡
ለጓደኞችዎም ያካፍሉ!

ከሁሉ በፊት ለማስታወስ ያህል ከአፍ የወጣ ቃል አይመለስም፡፡

ልክ እንደፈሰሰ ወተት አይመለስም፡፡
የዛሬው ዋና አላማየ፤
1ኛ) መጥፎ ቃል ማለት ምን ማለት ነው?
2ኛ) መጥፎ ቃል መነሻው ከየት ነው?
3ኛ) መፍትሄው ምንድነው?

የነዚህን ሶስት ጥያቄወች መልስ አብረን እናያለን፡፡

1) መጥፎ ቃል ማለት ምን ማለት ነው?

ባጭሩ መጥፎ ቃል ሲሰሙት የሚቀፍ፣ የሚያናድድ፣ የሚያሳዝን ወዘተ ነው፡፡ መጥፎ ቃል ወዳጅ ያሳንሳል፡፡ እራስን ዝቅ ያደርጋል፡፡ ጠብ ይጭራል፡፡ ሰወች ግን ለምን መጥፎ ነገር ይናገራሉ? ስለሚቸኩሉ ሁኔታው ከቁጥጥራቸው ውጭ ሲሆን ይመስለኛል፡፡

ችግሮች በመጥፎ ቃል አይፈቱም፡፡ መጥፎ ቃል ከሌሎች የተሻለ ሰው አያደርገንም፡፡ እንዳውም ደራ ውስጥ ያስገባናል፡፡ ከላይ እንደጠቀስኩት ሁሉ መጥፎ ቃል ከወጣ በኋላ አይመለስም፡፡ አይረሳም፡፡ ምክንያቱም የሰወችን ስሜት ስለሚጎዳ ነው፡፡
ስለዚህ እንደ ሁኔታውና ቦታው ቢለያይም በግለሰቦች መካከል ቂም ሊፈጥር ይችላል፡፡
ወዳጅና ጓደኛሞችን ሊያራርቅ ይችላል፡፡
ቤተሰብ ሊበትን ይችላል፡፡
በህብረተሰብ መካከል ግጭት ሊፈጥር ይችላል፡፡
ህዝብ ሊለያይ ይችላል፡፡
ሃገር ሊያፈርስ ይችላል፡፡
ጦርነት ሊቀሰቅስ ይችላል፡፡
በታሪክ ላይ ጠባሳ ሊጥል ይችላል፡፡

2ኛ) መጥፎ ቃል መነሻው ከየት ነው?

የመጥፎ ቃል መነሻው ችኮላ ይመስለኛል፡፡ ያስቆጣን ነገር ቢኖርም ለማሰብ ጊዜ ካልተጠቀምን መጥፎ ቃላት ይቀድማሉ፡፡
ሰወች ነንና መናደድና መቆጣት ስህተት አይደለም፡፡ ምክንያቱም ህይወት ውስጥ ብዙ የሚያስቆጣ ነገር ሞልቷል፡፡ የሚያናድድ ሰውም አለ፡፡
ይኸ በራሱ ትልቅ ችግርና ፈተና ነው፡፡

3) መፍትሄው ምንድነው?

ታዲያ መፍትሄው ምንድነው? መልካም! በመጀመሪያ ለመጥቀስ ያህል ያስቆጣን ነገር በቁጥጥራችን ስር እንዲሆን ማሰብ መቻል ነው፡፡ ችግሩ በቁጥጥራችን ስር ከሆነ መፍትሄው ሩቅ አይደለም፡፡ የሚጥም ወጥ እንኳን ሲሰራ በቁጥጥራችን ስራ ካልሆነ ይገነፍላል፡፡ ወጥ ሰሪው የሙቀቱን ሃይልና መጠን ካስተካከለው ድስቱ በሃይል አይግልም፡፡ የድስቱ ሙላትና ውስጡ ያለው አይነት በልክ ካስገባው ደግሞ ወጡ አይገነፍልም፡፡ መቆጣጠር ማለት ይሄ ነው፡፡ ሃሳብና ቃላትንም ለመቆጣጠር ተመሳሳይ ነው፡፡

አንዳንድ ሰወች ማንኛውንም ቃል የመጠቀም መብት አለኝ ሊሉ ይችላሉ፡፡ በምድር ላይ ያየሁት በሙሉ ለኔ ብቻ ይገባኛል ብለው ሊያምኑ ይችላሉ፡፡
ይኸ ጠብ መጫር ነው እንጂ መብት ነው ብዬ አላምንም፡፡ ምክንያቱም ከተሳሳተ መብት በፊት ትክክለኛነት ይቀድማል፡፡ ትክክል ያልሆነ ነገር መብት ሊሆን አይችልም፡፡ ትክክል ካልሆነ ነገር መራቅ ደግሞ መብትን መገደብ አይደለም፡፡

ለማንኛውም የሆነ ሰው ወይም ነገር ሲያናደን በችኮላ ንዴታችንን ለመወጣት መጥፎ ቃል ልንጠቀም እንችላለን፡፡ ችኮላን ለመቀነስ ቀሥሥሥ ብለው ጊዜ ይጠቀሙ፡፡ ጊዜ መጠቀም መሸነፍ ወይም መፍራት አይደለም፡፡ ቀስ ካሉ ለማሰብ ጊዜ ይኖረዎታል፡፡ ማሰብና ጊዜ መጠቀም ከጀመሩ ችግሩን በቁጥጥር ስር ለማድረግ ትክክለኛ አካሄድ ነው፡፡

ችግሩ አስቸኳይ ከሆነም ባስቸኳይ ያስቡበት፡፡ በንግግር ላይ እንኳን ከ 2 - 3 ሰኮንዶች አረፍ ካሉ ጭንቅላታችን ጥሩ ቃል ያፈልቃል፡፡ ትልቁ ጥያቄ ግን፤ ካሰቡበት ቃላት መመረጥ ይችላሉ መለቴ ነው፡፡ ለጊዜው ተናደን ከቁጥጥር ውጭ ሆነን ሊሆን ይችላል፡፡ እየቆየ ሲመጣ ግን ሰወች ነንና ብዙ በጎ ቃላትን መጠቀም መጀመራችን አይቀርም፡፡ አስተያየት መስጠት የፈለጉበት ጉዳይ ያነበቡት ከሆነ እንደገና ደግመው ያንብቡት፡፡ ተቀድቶ የሚታይና የሚሰማ ከሆነ ደግመው ይዩት፡፡ ደግመው ይስሙት፡፡ በቃል ብቻ የሰሙት ከሆነ ደግሞ የሰሙትን ነገር ለማስታወስ ይሞክሩ፡፡ ያሰላስሉት፡፡ በግልጽ እንደሚያዩት ለዚህ ሁሉ ጊዜ መጠቀም ያስፈልጋል፡፡ ከላይ የጠቀስኳቸውን ዘዴወች ከተጠቀሙ መጥፎ ቃላትን ለመቀነስ ቀላል ነው፡፡ መጥፎ ቃላትን ከቀነሱ ቢያንስ ለሃገርዎ ኢትዮጵያ አንዲት የሰላም ጠጠር ያበረክታሉ፡፡ የግለዎም ክብርና ዝና ከፍ ይላል፡፡ ቋንቋም የተፈጠረው እንዲንግባባበትና ቃላት መምረጥ እንድንችል ነው፡፡ እውነት ለመናገር ከመጥፎ ቃላት ይልቅ በጎ ቃላት ብዙ ናቸው፡፡ መልካም እድል!

እዚህ ድረስ ስላነበቡ አመሰግናለሁ፡፡
ያነበቡትን ከወደዱት ደንበኛ ይሁኑ፡፡ አስተያየት ይስጡ! ለጓደኞችዎም ይንገሩ! ያካፍሉ!
አሁን ያነበቡት ክፍል 1 ነበር፡፡

በሚቀጥለው ጊዜ!

ክፍል 2 ስለ በጎ አስተሳሰብ፣
ክፍል 3 ስለ ሞኝ አስተሳሰብ፣
ክፍል 4 ስለ ውሸት አስተሳሰብ እጽፋለሁ፡፡

መልካም ቀን! መልካም ምሽት! በሚቀጥለው እስከማገኝወት ደና ቆዩ!

Comments

አዲስ አስተያየት ይጨምሩ